Uppskeruhátíð Fischer-seturs

Síðastliðinn sunnudag var síðasti kennsludagur skákkennslu grunnskólabarna í Fischersetri. En þetta var síðasti tíminn af 10 skipta námsskeiði sem byrjaði eftir áramótin og var í umsjón Helga Ólafssonar stórmeistar og skólastjóra Skákskóla Íslands. Haldið var skákmót og komu nokkrir gestir úr Grunnskólanum Hellu.

Úrslit skákmótsins urðu þau að í fyrsta sæti var Martein Patryk og í 2.-3. sæti voru þeir Patrekur Máni Jónsson og Óttar Pétursson. Auk þess fengu allir þeir sem stunduðu námsskeiðið viðurkenningarskjal.