Vel heppnað Reykjavík Open Blitz

Reykjavik Open Blitz fór fram á laugardagskvöldið. Teflt var í Hörpu við afar góðar aðstæður. Vinaleg stemning sveif yfir vötnum enda margir þátttakendur á Reykjavíkurskákmótinu sólgnir í að tefla í aðeins afslappaðra umhverfi en á sjálfu aðal mótinu. Alls tóku 53 skákmenn þátt og tefldar voru níu umferðir með 3 02 í umhugsunartíma.

Flestir einnig að tefla á Reykjavik Open en innan um mátti finna íslenska skákmenn sem létu sér nægja að tefla í hraðskákmóti mótsins. Einn þeirra var Ólafur Evert Úlfsson lykilmaður í skáksveit Hróka alls fagnaðar sem sigruðu örugglega í fjórðu deild á Íslandsmóti skákfélaga. Þar vann Ólafur allar skákir sínar og í Hörpu hélt hann stuðinu áfram þegar hann krækti í stigaverðlaun mótsins; bestan performance umfram stig.

Norðmaðurinn Johan-Sebastian Christiansen sem nemur við ITG-skóla Simen Adgenstein tók nú þátt annað árið í röð og komst aftur á verðlaunapall þegar hann nældi sér í silfrið sjónarmun á eftir sigurvegaranum frá Rússlandi. Sá ungi kappi heitir Nikita Petrov og hafði raunar tryggt sér sigurinn fyrir síðustu umferð þegar hann tapaði fyrir áður nefndum Johan-Sebastian. Í þriðja sæti kom svo hinn hárprúði KR-ingur Kassa Korley.

Skákakademía Reykjavíkur annaðist framkvæmd mótsins og skákstjórar voru Stefán Bergsson og Ingibjörg Edda Birgisdóttir.

Lokastaðan á Chess-Results.