Var forseti FIDE farinn að valda Rússlandsforseta vandræðum?

Ákvörðun Kirsan Ilyumzhinov um að stíga til hliðar sem forseti FIDE í dag kom ákaflega flatt upp á skákheiminn. Svo virðist sem vandræði Kirsans vegna þess að hann var settur á lista bandarískra yfirvalda yfir menn tengda yfirvöldum í Sýrlandi hafi valdið honum meiri háttar vandræðum heima fyrir. Ekki hjálpar til að forseti FIDE hafði leynt og ljóst stefnt að því að halda heimsmeistaraeinvígið í skák í Bandaríkjunum eftir ár eða svo.

Árásin á rússneska herþotu í yfir Tyrklandi virðist einnig eiga sinn þátt í þessari atburðarrás ef marka má fréttaskýringu Chess24 en forseti Tyrklands ýjaði þar að þátt Ilyumzhinov.

Þar segir meðal annars:

Mr Erdogan hit back by asking Russia to comment on the American government’s recent black-listing of Kirsan Ilyumzhinov, the World Chess Federation President, who stands accused of “materially assisting and acting for or on behalf of the Government of Syria”

Það er því sitthvað sem bendir til þess að forseti FIDE hafi verið farinn að valda Rússlandsforseta vandræðum heima fyrir sem hafi orðið til að hann hafi þurft að víkja til hliðar.

Sjálfur fullyrðir Kirsan að þetta sé aðeins tímabundið ástand og hann komi til baka þegar nafn hans hafi verið fjarlægt af lista Bandaríkjastjórnar.Sjálfur segist Kirsan að hann muni fara fram á skaðabætur frá bandarískum yfirvöldum upp á 50 milljarða Bandaríkjadollara.

Hinn gríski Georgios Makropoulos hefur a.m.k. tekið tímabundið við skyldum forseta FIDE. Sá er nokkuð umdeildur og er að flestum talinn sá sem stjórnað hafi FIDE í raun í gegnum tíðina. 

Nigel Short tísti um málið í kvöld. 

So, Georgios Makropoulos becomes the acting President of @Fide_chess. I won't be popping any champagne corks #sameoldshit

— Nigel Short (@nigelshortchess) December 6, 2015