Jón Árni og Jóhann Hjörtur efstir á Skákþingi Garðabæjar

Nú liggja fyrir úrslit í 6. umferð Skákþingsins.

Sigurjón Haralds heldur áfram að tefla vel og gerði nú jafntefli gegn Jóni Árna Halldórssyni og hefði að ósekju mátt tefla áfram. Jón Árni og Jóhann Ragnarsson eru því efstir með 5 vinninga af 6 og það verður því líklega annar hvor þeirra sem sigrar á mótinu. Ekkert er þó öruggt. því 3 skákmenn þeir Jón Úlfljótsson, Ólafur Hlynur Guðmarsson og Sigurjón Haraldsson lúra vinningi á eftir og geta náð þeim Jóni og Jóhanni ef úrslit verða hagstæð.

Þeir Jóhann og Sigurjón keppa einnig um titilinn Skákmeistari Garðabæjar og félagsins en aðrir geta ekki veit þeim lengur keppni. Einvígi verður um titilinn ef þeir verða jafnir.

Af skákunum má segja að ýmis úrslit komu á óvart og margar skemmtilegar skákir. td. var Gauti Páll mjög útsjónarsamur að bjarga erfiðu tafli gegn Jóni Úlfljóts og hinn efnilegi Austfirðingur Kjartan Másson afgreiddi Alexander Mai mjög snyrtilega. Einnig missti Birkir Karl +8 stöðu niður í jafntefli gegn Aron Mai, en Aron lék svo aftur af sér og Birkir endaði á að vinna.

Allar skákirnar, öll úrslit, pörun síðustu umferðar og stöðuna má finna á Chess-Results.

Þar má einnig finna stöðuna í B flokki þar sem Jón Þór Lemery er í bestri stöðu með 6. vinninga. Þorsteinn Magnússon er búinn að tryggja sér amk. 2 sæti því hann hefur 5 vinninga en fær ókeypis vinning í síðustu og endar því með 6 vinninga. Björn Magnússon hefur líka tryggt sér 3. sætið. Jón Þór þarf hálfan vinning geng Birni til að tryggja sér óskipt fyrsta sæti.

Botnbaráttan er líka spennandi. Sigurþór keppir við Sigurð Gunnar og Björgvin við Sindra Snæ.

• Heimasíða TG
• Facebook síða TG
• Chess-Results