Guðfinnur efstur í Ásgarði í gær

Æsir tefldu í Ásgarði í gær eins og þeir gera alltaf á þriðjudögum. Skrásetjari varð að taka sér frí frá skákinni í gær vegna annarra anna. Mér sýnist úrslitin vera nokkuð hefðbundin. Guðfinnur R Kjartansson var vígfimastur og uppskar 8½ vinning í fyrsta sæti. 

Friðgeir Hólm varð annar með 7½ vinning og Sæbjörn Larsen kom svo í þriðja sæti með  7 vinninga. Það voru tuttugu og sex kappar sem mættu til leiks í gær.

Á næsta þriðjudag verður svo haustmótið haldið. Björgvin Víglundsson vann það á síðasta ári með 9½ vinning af 10 möglegum.

Þá verða menn verðlaunaðir eftir aldri líka. 60-70 ára 70-8o ára  og 80 +

Sjá nánari úrslit gærdagsins í meðf. töflu og myndir frá  ESE.