Símon og Dagur unnu í dag

Fjórða umferð EM ungmenna fór fram í dag í Batumi í Georgíu. Dagur Ragnarsson og Símon Þórhallsson unnu báðir. Símon vann hvít-rússneskan skákmann sem var 350 skákstigum hærri en hann og hefur byrjað sérdeilis vel. Fyrsti sigur Símons á stórmóti erlendis!

Oliver Aron Jóhannesson gerði jafntefli en Gauti Páll Jónsson tapaði.

Oliver og Símon hafa 2 vinninga, Dagur hefur 1 vinning og Gauti hefur 0,5 vinning. Gauti lætur ekki deigan síga og segir svo frá á Facebook:

Töp í 3 og 4 umferð. Hvað getur maður sagt, ekkert til að hrópa húrra fyrir. Reyndar vel tefldar skákir að mestu leyti, fékk þægilegar stöður og byrjanaundirbúiningur að skila sér. Missi bara stundum þráðinn í seinni hluta skákanna sem getur haft banvænar afleiðingar jafnvel þótt að bara eitt lítið peð tapist. Er samt búinn að læra fullt úr hverri skák sem Helgi hamrar á að sé aðalatriðið í þessu móti, sérstaklega þegar maður er á sínu fyrsta erlenda móti. Tefli við Finna á morgun sem ég ætla að vinna. Vorkenni honum ekki neitt þótt hann sé með 0 vinninga eftir 4 umferðir, hann má vera með egóið í molum mín vegna, aumingjaskapur og sjálfvorkunn kemur manni nefnilega ekkert áfram þótt manni gangi ekkert sérstaklega vel! Stefni á betri seinni hluta, kannski heppnast það, kannski ekki en ég fer allavegna reynslunni ríkari í þrjár flugvélar og tvær rútur til Reykjavíkur.  

Úrslit 3. umferðar

Staða íslensku keppendanna

 

989 skákmenn frá 43 löndum taka þátt. Fulltrúar Íslands eru fjórir að þessu sinni. Dagur Ragnarsson (2154) teflir flokki 18 ára og yngri en Oliver Aron Jóhannesson (2192), Símon Þórhallsson (1796) og Gauti Páll Jónsson (1739) tefla í flokki 16 ára og yngri. Helgi Ólafsson er fararstjóri og þjálfari.

Dagur er nr. 42 í stigaröð 62 keppenda. Í flokki 16 ára og yngri taka 89 skákmenn þátt. Oliver er nr. 32 í stigaröð keppenda en Símon er nr. 77 og Gauti er nr. 82.

• Heimasíða mótsins
• Chess-Results
• Beinar útsendingar