Hannes, Helgi Áss og Bragi unnu í fyrstu umferð

Stórmeistararnir Hannes Hlífar Stefánsson og Helgi Áss Grétarsson og alþjóðlegi meistarinn Bragi Þorfinnsson unnu sínar skákir í fyrstu umferð Íslandsmótsins í skák sem fram fór í kvöld. Hannes vann Guðmund Gíslason, Helgi Áss hafði betur gegn Einari Hjalti Jenssyni og Bragi Þorfinnsson hefndi ófaranna gegn Þresti Þórhallsyni frá í hitteðfyrra.

Skákum Hjörvar Steins Grétarssonar og Héðins Steingrímssonar og Henriks Danielsen og Guðmundar Kjartanssonar lauk með jafntefli.

Önnur umferð fer fram á morgun og hefst kl. 13. Þá mætast meðal annars Hannes Hlífar og Helgi Áss.

Öll úrsli í áskorendaflokki urðu "hefðbundin" þ.e. að hinn stigahærri vann hinn stigalægri. 

Umferðin á morgun hefst kl. 13.

• Heimasíða mótsins
• Chess-Results
• Bein útsending (Ingvar Þór - lifandi)
• Myndaalbúm fyrstu umferðar (IEB og GB)