Skákþing Akureyrar í yngri flokkum: Jón Kristinn vann enn!

Eftir að hafa unnið sigur á ungum sem öldnum á hinu hefðbunda Skákþingi Akureyrar og einnig á Skákþingi Norðlendinga, hreppri Jón Kristinn Þorgeirsson sinn þriðja titil á skömmum tíma með sigri á ungmennamóti Skákþings Akureyrar í gær. Jón vann allar sínar skákir. Annars urðu úrslit sem hér segir:

• Jón Kristinn Þorgeirsson     7
• Símon Þórhallsson              6
• Benedikt Stefánsson           5
• Gabríel Freyr Björnsson, Óliver Ísak Ólason, Auðunn Elfar Þórarinsson, Tinna Ósk Ompi Rúnarsdóttir, Sigurður Þórisson og Veigar Bjarki Hafþórsson 4 
• Gunnar Breki Gíslason 3,5
• Garðar Þórisson, Sunnar Þórhallsdóttir, Alfa Magdalena Jórunnardóttir og Jón Stefán Þorvarsson 3,
• Roman Darri Stevensson Bos 2,5
• Victor Örn Gærdbo, Sigmar Marinósson og Helga Sóley G Tulinius 2
• Bjarnhéðinn Gunnarsson 1

Alls 19 keppendur og skemmtilegt og spennandi mót. Í aldursflokkakeppni Skákþingsins vann Jón Kristinn vitaskuld öruggan sigur flokki þeirra sem fædd eru 1998-2000. Í næsta aldursflokki, 2001-2002, bar Óliver Ísak Ólason sigur úr býtum og Gabríel Freyr Björnsson í barnaflokki, (2003 og yngri).

Þar sem mótið var um leið Skólaskákmót Akureyrar er vert að geta þess að í eldri flokki hrepptu þeir Jón Kristinn og Símon sætin tvö sem gefa rétt til þátttöku á umdæmismóti (í eldri flokki) og þeir Gabríel Freyr og Óliver Ísak sætin í yngri flokki.