Björgvin á sigurbraut hjá Ásum

Það var hefðbundinn skákdagur í Stangarhyl í gær þar sem tuttugu og átta öðlingar börðust á reituðu borðunum. Björgvin Víglundsson hélt forustunni nokkuð örugglega allan tímann. Hann tapaði að vísu einni skák, fyrir Þór Valtýssyni.

Friðgeir Hólm tók annað sætið með 7½ vinning. Í þriðja til fjórða sæti urðu tveir öldungar jafnir með 7 vinninga , þeir Ágúst Ingimundarson og Páll G Jónsson en þeir eru báðir komnir á níræðis aldur. Ágúst verður 87 ára í sumar og virðist engu hafa gleymt, þetta var í fyrsta sinn sem hann mætir í vetur.

Næsta þriðjudag halda Ásar sitt Meistaramót , þá verður keppt um bikar og fleiri verðlaun. Ögmundur Kristinsson er núverandi meistari.

Það eru allir skákmenn velkomnir sem orðnir eru 60 ára eða verða það á árinu.

Við byrjum að tefla á mínútunni kl.13.00.

Mótstafla