Jón L. Árnason ráðinn nýr landsliðseinvaldur

Jón L. Árnason, var í dag, 1. apríl, ráðinn nýr landsliðseinvaldur í skák. Tekur hann við sem landseinvaldur af Helga Ólafssyni sem hefur látið af störfum. Jón L. hefur verið ráðinn einvaldur fram yfir Ólympíuskákmótið í Tromsö sem fram fer 1.-14. ágúst nk.

Helgi baðst lausnar þar í ljósi þess að hann hefur gefið kost á sér í Ólympíuliðið sem liðsmaður. Helgi hefur verið landsliðsþjálfari/landseinvaldur síðan á Ólympíuskákmótinu 2010.

Jón L. Árnason mun velja ólympíuliðið að loknu Íslandsmótinu í skák en landsliðsflokkur Íslandsmótsins í skák, fer fram í Stúkunni í Kópavogi, 21. maí - 1. júní nk.

Landsliðsnefnd og stjórn SÍ bjóða Jón L. sérstaklega velkominn til starfa. Betri og hæfari mann sé vart hægt að finna í starfið. 

Davíð Ólafsson gegnir sem fyrr landsliðseinvaldsstöðu kvennalandsliðsins.