N1 Reykjavíkurskákmótið: Browne með gamla takta - Rapport sterkur

Gamla brýnið, Walther Browne, sem sigraði á Reykjavíkurskákmótinu 1978 virðist engu hafa gleymt og er teflir af fítonskrafti. Hann er meðal 13 keppenda sem hafa fullt hús eftir þrjár umferðir.  Ungverska ungstirnið Richard Rapport (2681) er einnig í sama hópi. Í dag vann hann Guðmund Kjartansson (2441) eftir að hafa beitt ákaflega frumlegri og fífldjarfri byrjunartaflmennsku.

Óvænt úrslit setja ljós sitt sitt á N1 Reykjavíkurskákmótið en í dag var tvöfaldur dagur það er tefldar tvær umferðir. Egypski alþjóðlegi meistarinn Mohamed Ezat (2439) vann stigahæsta keppenda mótsins þýska ofurstórmeistarann og stigahæsta mann mótsins Arkadij Naiditsch (2706).

Henrik Danielsen, Hjörvar Steinn Grétarsson, Hannes Hlífar Stefánsson, Stefán Kristjánsson, Helgi Ólafsson og Guðmundur Gíslason eru efstir Íslendinga með 2,5 vinning.

• Heimasíða N1 Reykjavíkurskákmótsins
• Beinar útsendingar
• Skákskýringar í beinni útsendingu
• Chess-Results