Björgvin sigraði í Ásgarði í dag

Það voru margir sterkir skákmenn sem áttust við í Ásgarði í dag. Björgvin Víglundsson var vopnfimastur og sigraði með 8 vinninga af 10 mögulegum. Síðan komu fjórir skákvíkingar, allir með 7 vinninga. Það voru þeir Ingimar Halldórsson, Páll G Jónsson, Friðgeir Hólm og Björn V Þórðarson. Páll og Björn eru báðir komnir á níræðis aldurinn ,en þeir harðna bara með aldrinum.

Friðgeir er svo unglingurinn í hópnum,rétt rúmlega sextugur og er flestum erfiður við skákborðið, hann var sá eini sem náði að sigra Björgvin í dag. Guðfinnur R Kjartansson kom svo fast á hæla þeirra fimm með 6½ vinning.