Töfrabrögð Carlsen - snéri tapaðri stöðu í vinning gegn Nakamura

Magnus Carlsen (2872) vann í dag bandaríska stórmeistarann Hikaru Nakamura (2789) í þriðju umferð ofurmótsins í Zurich. Nakamura átti lengi unnið tafl en með nokkrum ónákvæmlegum leikjum og frábærri taflmennsku Carlsen snérist dæmið við og norska undrið vann þessa æsispennandi skák í 61 leik. Nokkuð kómískt út frá ummælum bandaríska stórmeistaranum í nýjasta tölublaði New In Chess.

Aronian (2812) gerði jafntefli við Gelfand (2777) og sömu úrslit urðu í skák Caruana (2782) og Anand (2773). Þar með er heimsmeistarinn fyrrverandi kominn á blað.

Carlsen er efstur með 2,5 vinning og Aronian annar með 2 vinninga. Á morgun mætir Carlsen Caruana en Aronian mætir Nakamura. 

Mótið er með hæstu meðalstig frá upphafi en meðalstigin í mótinu eru 2801 skákstig.

• Heimasíða mótsins
• Beinar útsendingar (hefjast kl. 14)

Athugasemdir

[Ómar Ragnarsson, 2.2.2014 kl. 00:37]

Mér finnst um of hafa verið hamrað á því hjá sumum að Carlsen sé ekkert sérstakur skáksnillingur af því að hann tími aldrei að taka áhættu og sé ekkert fyrir flugeldasýningar.

Í skákinni, eins og í flestum öðrum keppnisíþróttum, þar sem tveir aðilar eigast við, tapar sá mjög oft sem gerir fleiri mistök, af því að snillingurinn hefur getu til að refsa honum fyrir þau.

Það er engin ástæða til annars en að hrífast af slíkri meistaragetu.