Stelpudagur í Skákskólanum í dag

Skákskóli Íslands býður allar skákstelpur velkomnar á sérstakan stelpudag sunnudaginn 19. janúar næstkomandi, klukkan 11:00. Framundan eru stelpunámskeið í skák sem verða kynnt ásamt því að kvennalandsliðið lítur í heimsókn og teflir við stelpurnar.

Skráning fer fram hér fyrir laugardag. Skákskólinn er staðsettur að Faxafeni 12, gengið inn á vesturhlið hússins.

 

Íslenska kvennalandsliðið hefur teflt víða um heiminn síðustu árin. Stelpurnar munu mæta á stelpudaginn í Skákskólanum og tefla við ungar og efnilegar skákstelpur. Á myndina vantar sjálfan Íslandsmeistarann hana Lenku  sem mun koma að stelpunámskeiðunum. Frá vinstri: Hallgerður Helga Þorsteinsdóttir, Elsa María Kristínardóttir, Tinna Kristín Finnbogadóttir og Jóhanna Björg Jóhannsdóttir.

Athugasemdir

[Jónatan Karlsson, 19.1.2014 kl. 09:15]

Á meðfylgjandi mynd má sjá íslenska kvennalandsliðið í skák. Þessar stúlkur eru bæði sætar og snjallar, en hversvegna er verið að kynjaskipta í þessari íþrótt?

Er ekki verið að niðurlægja konur með því að leyfa þeim ekki einfaldlega að taka þátt á jafnréttis grunni, eða eru einhver frambærileg rök fyrir því að þær standist strákum eða karlmönnum ekki snúning á skákborðinu?