Björgvin sigraði hjá Ásum í gær

Æsir hittust í annað sinn á árinu að Stangarhyl 4 og héldu fram sem áður við taflborið. Mæting var ágæt en tefldar voru 10 umferðir  á 14 borðum  Björgvin Víglundsson mættir gallvaskur á ný, vann öruggan sigur en náði ekki fullu húsi þar sem einn félaginn gerði jafntefli við hann.

Í 2.-3. sæti komu svo kempurnar Páll G Jónsson og Guðfinnur R. Kjartansson. lítum á vinningafjölda keppenda.

Fyrir utan æfingar og keppnir hjá okkur alla þriðjudaga kl 13 mæta Riddarar í Hafnarfirði á miðvikudögum kl 13.

Nú fer að líða að Toyota-mótinu en 31. janúar nk. hittast eldri skákmenn í glæsilegu sýningarsal Toyota að tafli.