Guðmundur með jafntefli við Peter Heine í dag

Guðmundur Kjartansson (2447) hefur gengið vel í síðustu þremur umferðum NM í skák. Í dag voru tefldar tvær umferðir. Í þeirri fyrri vann hann færeyska alþjóðlega meistarann John Arni Nielsen (2469) en í þeirri síðari gerði hann jafntefli við danska stórmeistarann Peter Heine Nielsen (2649) sem er langstigahæstur keppenda.  Henrik Danielsen (2501) vann báðar skákirnar í dag. Í þeirri síðari danska alþjóðlega meistarann Silas Esben Lund (2416). Báðir hafa þeir 4,5 vinning og eru í 4.-9. sæti.

Efstir með 5 vinninga eru stórmeistararnir Yuri Solodovnichenko (2583), Úkraínu, og Evgeny Gleizerov (2545), Rússlandi, og sænski alþjóðlegi meistarinn Axel Smith (2460).

Á morgun eru tefldar tvær umferðir. Í þeirri fyrri sem hefst kl. 8 teflir Henrik við Smith og Guðmundur við danska alþjóðlega meistarann Mikkel Antonsen (2449). 

80 skákmenn frá 11 löndum taka þátt í mótinu. Þar af eru níu stórmeistarar og jafnmargir alþjóðlegir meistarar. Henrik er nr. 6 í stigaröð keppenda en Guðmundur er nr. 12. Henrik er næststigahæstur Norrænna keppenda en Guðmundur er nr. 8. Stigahæsti keppandi mótsins er danski stórmeistarinn Peter Heine Nielsen (2649).

• Heimasíða mótsins
• Beinar útsendingar (hefjast flestar kl. 16)