Frábær skemmtun á Geðheilbrigðis-mótinu: Helgi Ólafsson meistarinn 2013

 

Helgi Ólafsson stórmeistari sigraði á Alþjóðlega geðheilbrigðismótinu, sem haldið var áttunda árið í röð, á vegum Vinaskákfélagsins í frábærri samvinnu við Taflfélag Reykjavíkur.

 

Keppendur voru alls 42, þar af fjórir stórmeistarar, áhugamenn af öllum stigum, og mörg efnilegustu börn og ungmenni landsins.

 

Helgi hlaut 6,5 vinning af 7 mögulegum, en næstur kom landsliðsmaðurinn Hjörvar Steinn Grétarsson með 6 vinninga. Bronsið hreppti Jóhann Hjartarson, stigahæsti skákmaður Íslands, en hann sigraði á Geðheilbrigðismótinu í fyrra.

 

Guðlaug Þorsteinsdóttir, margfaldur Íslandsmeistari, varð efst kvenna með 4,5 vinning, sjónarmun á undan landsliðskonunum Elsu Maríu Kristínardóttur og Lenku Ptacnikova.

 

Í flokki 17 ára og yngri hlutu þeir Oliver Aron Jóhannesson, Birkir Karl Sigurðsson og Gauti Páll Jónsson allir 4 vinninga, en Oliver var efstur á stigum.

 

Kempan Bragi Halldórsson fékk verðlaun fyrir bestan árangur 60 ára og eldri, en hann hlaut 5 vinninga og var hársbreidd frá því að komast á verðlaunapall í heildarkeppninni.

 

Mótið var stórskemmtilegt og fór afar vel fram. Hrafn Jökulsson varaforseti Vinaskákfélagsins setti mótið og þakkaði góða samvinnu við TR. Þá bar hann viðstöddum kveðjur frá Kristjáni Þór Júlíussyni heilbrigðisráðherra og skákvini, og Friðriki Ólafssyni, fyrsta stórmeistara Íslendinga. Þá þakkaði Hrafn þeim hollvinum sem lögðu til veglega vinninga, en það voru Forlagið, Sögur útgáfa, Borgarleikhúsið, Þjóðleikhúsið og Saffran.

 

Skákstjóri á mótinu var Róbert Lagerman, forseti Vinaskákfélagsins, en svo góður andi ríkti á mótinu að aldrei þurfti að kalla dómarann til.

 

Vinaskákfélagið og TR þakka bakhjörlum, keppendum og öðrum þátttakendum í bráðskemmtilegum viðburði, sem orðinn er einn af fastapunktunum í íslensku skáklífi. 

 

Úrslit:

 

1   Helgi Ólafsson                               6.5     

2   Hjörvar Steinn Grétarsson              6       

3   Jóhann Hjartarson                          5.5     

 4-7  Stefán Bergsson                          5        

      Daði Ómarsson                             5       

      Bragi Halldórsson                          5        

      Helgi Brynjarsson                          5       

8-12  Þorvarður Fannar Ólafson            4.5      

      Jón L. Árnason                              4.5      

      Rúnar Berg                                   4.5      

      Arnaldur Loftsson                          4.5

      Guðlaug Þorsteinsdóttir                  4.5

13-20 Elsa María Kristínardóttir             4

      Oliver Aron Jóhannesson                4

      Lenka Ptacnikova                           4

      Halldór Pálsson                              4

      Kristján Örn Elíasson                      4

      Birkir Karl Sigurðsson                     4

      Jóhann Ingvason                            4

      Gauti Páll Jónsson                           4

21-22 Vignir Vatnar Stefánsson              3.5

      Hrafn Jökulsson                              3.5

23-31 Birgir Rafn Þráinsson                    3

      Mikael Kravchuk                              3

      Kristján Halldórsson                         3

      Noel Fumey                                     3

      Sigurlaug Friðþjófsdóttir                    3

      Gunnar M. Nikulásson                       3

      Jakob Petersen                                3

      Veronika Steinunn Magnúsdóttir        3

      Hörður Jónasson                              3

32-34 Hjálmar Sigurvaldason                  2.5

      Donika Kolica                                  2.5

      Bragi Þór Thoroddsen                       2.5

35-39 Arnar Valgeirsson                          2

      Óskar Víkingur Davíðsson                  2

      Guðmundur Agnar Bragason              2

      Halldór Atli Kristjánsson                     2

      Þorsteinn Magnússon                         2

40   Stefán Orri Davíðsson                      1.5

41-42 Gunnar Randversson                      1

      Björgvin Kristbergsson                       1 

 

Myndaalbúm (HJ, RL o.fl.)