Æskan og ellin X. - Olísmótið í skák

Skákmótið  "Æskan og Ellin" þar sem kynslóðirnar mætast verður haldið í tíunda sinn laugardaginn 26.  október nk.  í Skákhöllinni í Faxafeni.

Að mótinu stendur RIDDARINN, skákklúbbur  eldri borgara,  ásamt Taflfélagi Reykjavíkur með myndarlegum stuðningi OLÍS - Olíuverslunar Íslands og velþóknum Hafnarfjarðarkirkju þar sem mótið hefur verið haldið undanfarin 9 ár að Strandbergi. 

Fyrri mót af þessu tagi, þar sem kynslóðirnar mætast, hafa vakið verðskuldaða athygli, verið vel heppnuð  og til mikillar ánægju fyrir alla þátttakendur,  jafnt yngri sem eldri.    Á síðasta ári var yfir 80 ára aldursmunur milli yngsta og elsta keppandans.

Sigurvegari í fyrra var Oliver Aron Jóhannesson, 14 ára, sem vann mótið glæsilega með 8 vinningum af 9 mögulegum.  Vann m.a. þrjá fyrrv. sigurvegara þess þá Braga Halldórsson, Jóhann Örn Sigurjónsson og Gunnar Kr. Gunnarsson.

VERÐLAUNASJÓÐUR KR. 100.000

Aðalverðlaun  kr:  50..000;  25.000; 15 000; 10.000* (*aukaverðlaun)

ALDURSFLOKKAVERÐLAUN:

Besti árangur barna í 1. til 4. bekk/  9 ára og yngri.

Besti árangur barna  í 5. til 7.  bekk/ 10-12 ára.

Besti árangur unglinga í 8. til 10. bekk/ 13-15 ára

Aldursflokkaverðlaun öldunga  60-69; 70-79; 80 og eldri

Auk þess fá yngsti og elsti þátttakandinn heiðursverðlaun.   

Gjafabréf fyrir flugmiðum á mót erlendis fyrir sigurvegara í  3 barna og unglingaflokkum. Úttektarkort kr. 10.000 hjá Olís fyrir efstu menn í 3 öldungaflokkum.

Bókaverðlaun fyrir silfur og brons verðlaunahafa í öllum flokkum.

VINNINGAHAPPDRÆTTI  með veglegum vinningum að lokinni verðlaunaafhendingu í mótslok fyrir þá sem ekki komust á pall.

Þátttaka er ókeypis og miðast við börn og ungmenni á grunnskólaaldri, 15 ára og yngri og roskna skákmenn, 60 ára og eldri.

Mótið hefst kl. 13 - laugardaginn 26. október - í félagsheimili Taflfélags Reykjavíkur í Faxafeni 12 og stendur til  um kl. 17.

Telfdar verða 9 umferðir með 7 mínútna umhugsunartíma á skákina. 

Mótsnefnd:  Einar S. Einarsson, formaður; Björn Jónsson, skákdómari og Páll Sigurðsson, skákstjóri

Sportvörubúðin JÓI ÚTHERJI gefur alla verðlaunagripi/peninga.

SKRÁNING: Hægt verður  að skrá sig til þátttöku  með nafni,  kennitölu og félagi  á  www.skak.is  vikuna fyrir mót.  Takmarka gæti þurft hámarks fjölda keppenda. Því er æskilegt að skrá sig fyrirfram eða mæta tímanlega á mótsstað.