Alþjóða geðheilbrigðismótið: Stórmót í Faxafeni á fimmtudagskvöld!

Fimmtudaginn 17. október kl. 19.30 er komið að hinu árlega stórmóti í tilefni alþjóða geðheilbrigðis-vikunnar. Vinaskákfélagið stendur að mótinu í samvinnu við Taflfélag Reykjavíkur og fer mótið fram í skákhöllinni, Faxafeni 12. Tefldar verða sjö umferðir með 7 mínútna umhugsunartíma. Mótið er öllum opið og er þátttaka ókeypis. Sigurvegari á mótinu í fyrra var Jóhann Hjartarson stórmeistari.

Geðheilbrigðismótið hefur unnið sér sess sem eitt skemmtilegasta hraðskákmót ársins. Veit eru verðlaun í ýmsum flokkum, m.a. fyrir bestan árangur 12 ára og yngri, 17 ára og yngri, 60 ára og eldri, og bestan árangur kvenna.

Fjölmörg góð og vegleg verðlaun eru í boði, m.a. brakandi nýjar bækur frá Forlaginu og Sögum útgáfu, auk þess gjafabréf á fyrsta flokks veitingastaði, leiksýningar í Þjóðleikhúsinu og fleira.

Áhugasamir eru hvattir til að skrá sig sem allra fyrst hjá Róbert Lagerman, forseta Vinaskákfélagsins, í [e-mail]. 

 

Frétt um geðheilbrigðismótið 2012. 

Athugasemdir

[Anna Sigríður Guðmundsdóttir, 15.10.2013 kl. 20:46]

Topparnir í fjármála/lífeyris/bankakerfinu hljóta að vera á topp tíu listanum, á geðheilbrigðismótinu?

Eða eru þeir háu herrar/frúr kannski ekki nógu heilir/heilar á geði, til að geta blandað geði við grasrótina skáksnjöllu og hæfileikaríku?

Þetta er bara hreinskilin spurning, og alls ekki illa meint.

M.b.kv.