Shakhriyar Mamedyarov í áskorendamótið

Það er nú ljóst að Aserinn Mamedyarov verður meðal þátttakanda í næsta áskorendamótið. Það skýrðist eftir lokaumferð Grand Prix-mótsins í París í dag. Aseirnn var ekki meðal keppenda en var næsthæstur á Grand Prix-stigum á eftir Topalov. Það eina sem gat komið í veg fyrir að Aserinn fengi sæti á áskorendamótinu var ef annaðhvort Grischuk og Caruana yrði einn og efstur

Grischuk var fljótlega úr leik en Caruna var í forystu mótsins allt til enda. Fyrir lokaumferðina var hann efstur ásamt Gelfand en skákum þeirra beggja lauk með jafntefli og þar með ljóst að síðasta sæti væri  Mamedyarov.

Sex skákmenn eru komnir með sæti á áskorendamótinu. Kramnik og Andreikin (Heimsbikarmótið), Topalov og Mamedyarov (FIDE Grand Prix) og Aronian og Karjakin (skákstig). Sá sem tapar heimsmeistaraeinvíginu fær sjöunda sætið og mótshaldarar, sem ekki liggur fyrir hverjir verða, fá svo velja áttunda keppendann sem verður þó að hafa 2725 skákstig hið minnsta.

Byggt á frétt á Chessdom.