Opna Íslandsmótið í skák - mót hinna óvæntu úrslita

Það sér ekki fyrir endann á óvæntum úrslitum á Opna Íslandsmótinu í skák en annarri umferð er nýlokið. Á fyrsta borði vann Skotinn Michael Grove, sem hefur 2021 skákstig, mjög óvæntan sigur á stigahæsta keppenda mótsins, Héðni Steingrímssyni, sem hefur 2558 skákstig og féll á tíma í mjög flókinni stöðu.

Loftur Baldvinsson sem kom mjög á óvart með góðum sigri á Braga Þorfinnssyni í fyrstu umferð heldur áfram góðu gengi og gerði nú jafntefli við Gylfa Þórhallsson.

Meðal annarra óvæntra úrslita má nefna að Bandaríkjamaðurinn Peter Henner gerði jafntefli við Björn Þorfinnsson og Pétur Jóhannesson lagði Hauk Halldórsson en í þessum tilfellum var stigamunurinn um 500 skákstig.

Tólf skákmenn hafa fullt hús eftir tvær umferðir. Lenka Ptácníková er þeirra á meðal og er þar með efst á Íslandsmóti kvenna sem er hluti af mótinu.

Þriðja umferð hefst kl. 17. Þá eru margar hörkuviðureignir og má þar nefna: Guðmundur Gíslason - Hjörvar Steinn og Hannes Hlífar - Lenka,

• Heimasíða mótsins
• Chess-Results
• Beinar útsendingar 
• Myndir frá fyrstu umferð (PRP og GB)
• Myndir frá annarri umferð (GB)