Spurningakeppni skákfélaga verður á Skákmóti Árnamessu

Í skákhléi á Skákmóti Árnamessu næsta laugardag munu spurningalið skákfélaganna keppa um þennan veglega verðlaunagrip.

Hvert spurningalið verður skipað þremur krökkum á grunnskólaaldri. Um helmingur spurninga tengist skák en landafræði, íþróttir og bókmenntir eru meðal annarra flokka sem spurt er um.

Skákfélögin eru hvött til að mynda spurningalið og freista þess að vinna verðlaunagripinn sem sigurfélagið fær til eignar.

Skráning á Skákmót Árnamessu er á www.skak.is. Skráningin hefur farið hægt af stað en þar sem reiknað er með um 50 krökkum í rútu frá Reykjavík er öruggast fyrir þá sem ætla að taka þátt í Árnamessu að skrá sig sem fyrst.