Jóhann Hjartarson sigraði á hraðskákmóti Skákskólans

Stórmeistarinn Jóhann Hjartarson sigraði á hraðskákmóti Skákskóla Íslands  sem haldið var fimmtudaginn 11. apríl. Jóhann hlaut 6 vinninga af 7 mögulegum og varð hálfum vinningi á undan Helga Ólafssyni sem hlaut 5½ vinning. Jóhann brást skjótt við óskum um um þátttöku og tók taflmennsku fram yfir tónleika Sinfóníuhljómsveitar Íslands sem hann hafði ráðgert að sækja þetta sama kvöld.

Meðal þátttakenda voru fjórir stórmeistarar tóku þátt í mótinu. Björn Ívar Karlsson varð í 3. sæti eð 5 vinninga og Hannes Hlífar Stefánsson varð í 4.-5. sæti ásamt Davíð Ólafssyni. Tímamörk voru 5 3 - Bronstein. 

Skákskólinn hefur annað veifið efnt til slíkra hraðskákmóta sem er m.a. ætlað að brúa bil milli öflugra skákmeistara og þeirra yngri.  Á fyrsta mótinu sem haldið  var sl. haust sigraði Hjörvar Steinn Grétarsson með 10 vinninga af 11 mögulegum og í næsta móti sem haldið var 21. mars sl. urðu Helgi Ólafsson og Hannes Hlífar Stefánsson efstir með 8 vinninga af 9 mögulegum. Gunnar Björnsson forseti SÍ náði þar að leggja Hannes Hlífar að velli. Mótið sl. fimmtudag var haldið í tilefni þátttöku Norðurlandamóts stúlkna sem fram fer í Svíþjóð um næstu helgi. Nokkrir aðrir nemendur Skákskólans tóku þátt í mótinu.

Mótið á Chess-Results