Björn Hólm og Nansý unnu sér sæti á Barna Blitz

Á fjölmennri skákæfingu Fjölnis í gær var teflt um tvö laus sæti á Barna Blitz skákmótinu sem verður haldið í tónlistarhúsinu Hörpunni laugardaginn 23. febrúar. Barna Blitz barnaskákmótið er einn af hápunktum hliðarviðburða í tengslum við alþjóðlega skákmótið Reykjavík Open 2013.

Fjölnismótið var jafnt og spennandi allan tímann og tefldar voru sex umferðir. Björn Hólm Birkisson Smáraskóla stóð sig frábærlega og vann allar sínar sex skákir. Ein í öðru sæti varð Nansý Davísðdóttir Rimaskóla með 5 vinninga. Aðrir í verðlaunasætum urðu Jóhann Arnar Finnsson (4),Bárður Örn Birkisson (4), Joshua Davíðsson (4), Róbert Orri Árnason (4),Þorsteinn Magnússon (3), Heiðrún Anna Hauksdóttir (3),Kristófer Halldór Kjartansson (3) og Andri Gylfason (3). Það voru nammipokar frá NETTÓ sem verðlaunahafar fengu.

Næsta laugardag, 23. febrúar,  er vetrarleyfi í grunnskólum Reykjavíkur og þá fellur Fjölnisæfing niður. Skákdeild Fjölnis í samstarfi við Gufunesbæ stendur hins vegar fyrir vetrarleyfisskákmóti í Hlöðunni Gufunesbæ föstudaginn 21. febrúar og hefst það kl. 12:30. Þetta verður stórmót fyrir alla barnaskólanemendur hvaðan að af landinu og verðlaunin eftir því; bíómiðar, gjafabréf á pítsur, skíðakort í Bláfjöllum, sundkort í Reykjavíkurlaugar, nammipokar ofl.