Taflmennska Sigur-ðar Eiríkssonar affarasælust

Í dag, sunnudaginn 24. desember að frádregnum 22 í aðventu, stóð Skákfélag Akureyrar, í samstarfi við Jóla, fyrir 15 mínútna skákmóti.

Slík mót væri illmögulegt að halda, ef ekki væri fyrir svokallaðar skákklukkur sem mæla tímanotkun keppenda.

Þekkt er sú saga þegar Taflfélag Hornstrendinga gerði tilraunir með klukkulaus kortersmót, en  skemmst er frá því að segja að þær tilraunir enduðu í glundroða og innbyrðis átökum sem að lokum urðu til þess að byggð lagðist af í margra kílómetra radíus, SSA af Færeyjum.

Akureyringar þekkja skáksöguna, Hornstrendingasögu og söguna um Nýju föt keisarans þó nokkuð af ljósmyndum og gerðu viðeigandi ráðstafanir að þessu sinni, sveitarfélaginu og rekstrarfélagi Hólabúðarinnar til heilla.

Tíu litlir jólasveinar mættu til leiks, en þurftu því miður frá að hverfa áður en mótið hófst, vegna yfirvofandi greiðsluþrots Norðurpósins (Reykjadals).

Þeir sem eftir sátu og stóðu létu það sem vind um augu þjóta, enda komast fáir með hnakkann, þar sem agureyringar eru með hælana.

Fóru leikar að lokum þannig að Sigur-ður Eiríksson hafði tryggt sér sigurinn fyrir síðustu umferðina, enda þótti honum hún of síð. Spjátrungarnir í Vatíkaninu, austur á Seyðisfirði, höfðu að orði að aðrar eins skákir hafi ekki sést síðan Hinrik 17. Noregskonungur tefldi við Jóhannes Pál Pálsson Páfa í Bónus hér um árið. Aðrir fengu miklu færri og lakari vinninga.

 

Lokastaðan

• 1.       Sigurður Eiríksson                                                     4 af 5
• 2.       Tómas Veigar                                                             3,5
• 3.       Einar Garðar Hjaltason                                             3
• 4.       Sveinbjörn Óskabarn Sigurðsson                            2,5
• 5.       Karl Elliot Ness Steingrímsson VII.                           2
• 6.       Hreinn Hrafnsson                                                      Færri en hinir.

Frásögn tekin af heimasíðu SA

Athugasemdir

[Gunnar Bergmann (IP-tala skráð) 3.12.2012 kl. 18:15]

Rétt skal farið með nöfn!:

 Hreinn Hrafnsson, djákni á Myrká.

Sigurður Eiríksson Detective Number One.