Guðfinnur hrókur dagsins í fimmta sinn

Það mættu tuttugu og sex heiðursmenn til leiks í Ásgarði í dag. Guðfinnur R Kjartansson varð hrókur dagsins í fimmta sinn á þessu hausti. Guðfinnur tapaði aðeins einni skák,fékk 9 vinninga af 10 mögulegum.Sá sem náði að vinna Guðfinn í dag var höfðinginn Magnús V. Pétursson og sannaði enn einu sinni að það getur enginn bókað sjálfsagðan vinning á hann.

"Maggi er sterkur" Eins og hann segir stundum sjálfur og sannaði í dag að það er rétt, því að maður þarf að búa yfir góðum styrkleika til þess að ná skák af Guðfinni. Öðru sætinu náði Ari Stefánsson  með 8 vinninga. Ari kemur sterkur inn þrátt fyrir veikindi sem hann er að ná sér af. Í þriðja sæti varð Sigurður Kristjánsson með 7 vinninga.

Næsta þriðjudag verður Haustmót haldið. Þá verða tefldar níu umferðir með 10 mínútna umhugsunartíma.

Allir heiðursmenn hjartanlega velkomnir til leiks.

Mótið byrjar kl. 13.00 og er búið uppúr 16.30.

Á haustmótinu er teflt um bikar og fullt af verðlaunapeningum.

Jóhann Örn Sigurjónsson vann Haustmótið á síðasta ári.

Nánari úrslit dagsins:

1          Guðfinnur R Kjartansson                                9 vinninga

2          Ari Stefánsson                                                            8

3          Sigurður Kristjánsson                                      7

4-5       Þorsteinn K Guðlaugsson                               6.5

            Stefán Þormar                                                 6.5

6          Kristján Guðmundsson                                   6

7-10     Magnús V Pétursson                                       5.5

            Jón Víglundsson                                             5.5

            Jón Steinþórsson                                             5.5

            Finnur Kr Finnsson                                         5.5

11-14   Haraldur Axel                                                 5

            Birgir Sigurðsson                                            5

            Hermann Hjartarson                                      5

            Jónas Ástráðsson                                             5

15-18   Gísli Sigurhansson                                          4.5

            Óli Árni                                                           4.5

            Garðar Guðmundsson                                     4.5

            Bragi G Bjarnarson                                         4.5

Næstu átta fengu aðeins færri vinninga að þessu sinni.