Skákæfing hjá Skákdeild Breiðabliks miðvikudaginn 3. október kl 18:00

Að undaförnu hefur verið unnið að því að tryggja Skákdeild Breiðabliks húsnæði fyrir framtíðar starfsemi sína. Það hefur gengið seint, e.t.v. vegna þeirrar samninga sem núna eru í gangi milli Kópavogsbæjar, HK og Breiðabliks um yfirtöku þessara íþróttafélaga á rekstri íþróttamannvirkjanna í Smáranum (Breiðablik) og Kórnum (HK). Einnig er einhver tortryggni í gangi gagnvart skákdeildinni frá hendi íþróttadeildar Kópavogsbæjar. Vonandi  tekst að eyða henni á næstu vikum.

Skákdeildin er þó búin að fá inni í stúkunni og  kl 18:00 - 20:30 í dag miðvikudag verður haldin skákæfing sem vonandi sem flestir skákmenn í Kópavogi (sama í hvaða taflfélagi þeir eru í dag, ungir sem aldnir) nýta sér til þess að undirbúa sig fyrir átökin í Íslandsmóti Skákfélaga um helgina. Vinafélög skákdeildarinnar, Goðinn-Mátar og Skákfélag Íslands verða gestir okkar í dag. Gengið er inn á neðstu hæð bakvið stúkuna á Kópavogsvellinum og síðan tekin lyfta sem þar er upp á 3ju hæð.

Draumurinn er að stúkan verði mekka skákarinnar í Kópavogi á komandi árum og að sá efniviður sem býr í skákmönnum í Kópavogi eigi eftir að dafna þar við leitina að sannleikanum í skákinni.

Heimasíða Skákdeildar Breiðabliks er á:  http://chess.is/breidablik

Skákdeild Breiðabliks