Brønshøj: Henrik með jafntefli í 5. umferð

Stórmeistarinn Henrik Danielsen (2498) gerði jafntefli við danska alþjóðlega meistarann Mads Andersen (2432) í 5. umferð alþjóðlega mótsins Brønshøj í Danmörku sem fram fór í dag.  Henrik hefur 3 vinninga og er sem fyrr í 2.-4. sæti.  

Í 6. umferð, sem fram fer í fyrramálið, teflir Henrik við danska alþjóðlega meistarann Thorbjørn Bromann (2411).  Danski alþjóðlegi meistarinn Nikolaj Mikkelsen (2399) er efstur með 4 vinninga.

Meðalstigin á mótinu eru 2441 skákstig.   Í flokknum taka 10 skákmenn þátt og þar af 3 stórmeistarar.  Henrik er nr. 3 í stigaröð keppenda.  Eins og svo oft á dönskum mótum er tefldar 2 umferðir á dag.   Umferðirnar hefjast kl. 8 og 13.  

• Heimasíða mótsins 
• Beinar útsendingar