Skákþáttur Morgunblaðsins: Tekst Anand að verja heimsmeistaratitilinn?

Um það voru skákáhugamenn um allan heim sammála; að heimsmeistaraeinvígi Anands og Gelfands í Moskvu hefði í byrjun verið eitt hið dauflegasta í manna minnum. Garrí Kasparov mætti í Tretjakov-galleríið á meðan sjötta skákin fór fram og þegar menn vildu fá álit hans á gangi mála, beindi hann því alveg sérstaklega til indversku blaða- og fréttamannanna að þeir mættu hafa áhyggjur af hinni augljósu skáklegu hnignun Anands. Kasparov virtist um stund hafa gleymt því að í heimsmeistaraeinvígjum koma stundum daufir kaflar. Enginn dirfðist þó að minna hann á 17 jafntefli í röð í fyrsta einvíginu við Karpov 1984-'85 og því fylgdi síðar 14 skáka jafnteflishrina. En komu Kasparovs fylgdi hressilegur andblær og úr orðum hans þóttust sumir mega lesa ákveðna spásögn. Gelfand hafði ekki riðið feitum hesti frá fyrri viðureignum sínum við Anand en í sjöundu skákinni tókst honum að knésetja Indverjann á sannfærandi hátt og ná forystunni:

7. einvígisskák:

Boris Gelfand - Wisvanatan Anand

Slavnesk vörn

1. d4 d5 2. c4 c6 3. Rc3 Rf6 4. e3 e6 5. Rf3 a6 6. c5!?

Anand virtist óviðbúinn þessari endurbót Gelfands á annarri, fjórðu og sjöttu skák. Hugmyndin, sem er þekkt, byggist á því að eftir peðakaup á drottningarvæng myndast ákveðnir veikleikar í stöðu svarts.

Rbd7 7. Dc2 b6 8. cxb6 Rxb6 9. Bd2 c5 10. Hc1 cxd4 11. exd4 Bd6 12. Bg5 O-O 13. Bd3 h6 14. Bh4 Bb7 15. O-O Db8 16. Bg3!

Strategískt rétt og mun betra en 16. Bxf6.

16. ... Hc8 17. De2 Bxg3 18. hxg3 Dd6 19. Hc2 Rbd7 20. Hfc1 Hab8 21. Ra4 Re4 22. Hxc8 Bxc8 23. Dc2!

Eftir 23. Bxe4 dxe4 24. dxe4 Bb7 hefur svartur nægilegar bætur fyrir peðið.

23. ... g5?

Eftir þennan slaka leik nær Anand aldrei að rétta úr kútnum. Hann varð að leika 23. ... Bb7 þó hvíta staðan sé greinilega betri eftir 24. Rc5.

24. Dc7! Dxc7 25. Hxc7

Svartur er niðurnjörvaður. Biskupinn og hrókurinn geta sig hvergi hrært.

25. ... f6 26. Bxe4 dxe4 27. Rd2 f5 28. Rc4 Rf6 29. Rc5 Rd5 30. Ha7 Rb4 31. Re5 Rc2 32. Rc6!

Riddararnir fara hamförum.

32. ... Hxb2 33. Hc7 Hb1 34. Kh2 e3

Smá vonarglæta var bundin við þennan leik en Gelfand vissi allan tímann að kóngurinn gæti ekki ráðið við sameinaða krafta hvíta liðsaflans.

35. Hxc8+ Kh7 36. Hc7+ Kh8 37. Re5! e2 38. Rxe6

- og Anand gafst upp. Framhaldið gæti orðið 38. .... e1(D) 30. Rg6+ Kg8 40. Hg7 mát.

Anand náði strax vopnum sínum. Engu er líkara en Gelfand hafi „ofhitnað" eftir sigurinn í sjöundu skákinni því honum varð á meinleg yfirsjón þegar hann lék sínum 14. leik í næstu skák. Ef undan er skilin 2. einvígisskák Fischers og Spasskís er hér komin stysta vinningsskák í 125 ára sögu heimsmeistaraeinvígja:

8. einvígissskák:

Wiswanatan Anand - Boris Gelfand

Grünfelds-vörn

1. d4 Rf6 2. c4 g6 3. f3 c5 4. d5 d6 5. e4 Bg7 6. Re2 O-O 7. Rec3 Rh5 8. Bg5 Bf6 9. Bxf6 exf6 10. Dd2 f5 11. exf5 Bxf5 12. g4 He8 13. Kd1 Bxb1 14. Hxb1 Df6 15. gxh5 Dxf3 16. Kc2 Dxh1 17. Df2!

Króar drottninguna af. Eftir 17. ... Ra6 18. Bd3 Rb4+ 19. Kd2 Rxd3 20. Kxd3 yrði Gelfand að heyja vonlausa baráttu drottningu undir og gafst því upp. Eftir jafntefli í níundu og tíundu er staðan jöfn, 5 : 5 . Búast má við æsispennandi lokaskákum um helgina.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 27. maí

Skákþættir Morgunblaðsins

Veljið skák (2 alls): 1: Boris Gelfand - Viswanathan Anand 2: Viswanathan Anand - Boris Gelfand

[Event "Anand-Gelfand World Chess Championship"] [Site "0:02:33-0:02:33"] [Date "2012.05.20"] [EventDate "2012.05.10"] [Round "7"] [Result "1-0"] [White "Boris Gelfand"] [Black "Viswanathan Anand"] [ECO "D45"] [WhiteElo "?"] [BlackElo "?"] [PlyCount "75"] 1.d4 d5 2.c4 c6 3.Nc3 Nf6 4.e3 e6 5.Nf3 a6 6.c5 Nbd7 7.Qc2 b6 8.cxb6 Nxb6 9.Bd2 c5 10.Rc1 cxd4 11.exd4 Bd6 12.Bg5 O-O 13.Bd3 h6 14.Bh4 Bb7 15.O-O Qb8 16.Bg3 Rc8 17.Qe2 Bxg3 18.hxg3 Qd6 19.Rc2 Nbd7 20.Rfc1 Rab8 21.Na4 Ne4 22.Rxc8+ Bxc8 23.Qc2 g5 24.Qc7 Qxc7 25.Rxc7 f6 26.Bxe4 dxe4 27.Nd2 f5 28.Nc4 Nf6 29.Nc5 Nd5 30.Ra7 Nb4 31.Ne5 Nc2 32.Nc6 Rxb2 33.Rc7 Rb1+ 34.Kh2 e3 35.Rxc8+ Kh7 36.Rc7+ Kh8 37.Ne5 e2 38.Nxe6 1-0

[Event "Anand-Gelfand World Chess Championship"] [Site "Moscow, Russia"] [Date "2012.05.21"] [EventDate "2012.05.10"] [Round "8"] [Result "1-0"] [White "Viswanathan Anand"] [Black "Boris Gelfand"] [ECO "E60"] [WhiteElo "?"] [BlackElo "?"] [PlyCount "33"] 1.d4 Nf6 2.c4 g6 3.f3 c5 4.d5 d6 5.e4 Bg7 6.Ne2 O-O 7.Nec3 Nh5 8.Bg5 Bf6 9.Bxf6 exf6 10.Qd2 f5 11.exf5 Bxf5 12.g4 Re8+ 13.Kd1 Bxb1 14.Rxb1 Qf6 15.gxh5 Qxf3+ 16.Kc2 Qxh1 17.Qf2 1-0