Forgjafaklúbburinn sigrar á Íslandsmóti Víkingaskákfélaga

Skákvertíð Víkingaskákmanna lauk með látum 15. mai í Vin við Hverfistgöu, þegar þriðja Íslandsmeistaramót Víkingaskákfélaga fór fram.  Sex mjög jöfn lið áttu kappi í hörkukeppni, en Íslandsmeistarar síðasta árs Víkingaklúbburinn (Tómas Björnsson, Sigurður Ingason og Þröstur Þórsson) freistuðu þess að verja titilinn frá 2011. 

Leikar fóru þannig að Forgjafaklúbburinn sigraði mótið, en þeir unnu allar sínar viðureignir.  Gunnar Fr. á 1. borði og Stefán Thór á 2. borði voru miklu stuði og fengu 4.v af 5. mögulegum.  Báðir fengu their borðaverðlaun á sínum borðum.  Þetta er jafnframt fyrsti Íslandsmeistaratitlill Stefáns í Víkingaskák sem átti sitt besta Víkingaskákmót og fyrsti skipti sem Forgjafaklúbburinn vinnur liðakeppnina, en Víkingaklúbburinn vann tvö fyrstu árin. 

Í öðru sæti varð Rimaskóli mjög óvænt.  Þeir Dagur Ragnarsson, Jón Trausti og Óliver Aron Jóhannesson slógu í gegn á mótinu og jafnframt fékk Óliver Aron borðaverðlaun fyrir besta árangur á 3. borði, 4.5 v. af 5. mögulegum, sem einnig var besti árangur einstaklings á mótinu.  Rimaskóli fékk jafnframt bikar fyrir efsta sæti í keppni unglingaliða, en þeir urðu ofar en SFÍ, með Guðmund Lee í farabroddi, en hann varð Íslandsmeistari í Víkingaskák árið 2010. 

Víkingaklúbburinn varð jafn Rimaskóla að vinningum, en lægri á match-point stigum.  Víkingaklúbburinn var þó í baráttunni um titilinn allan tíman, eins og Haukar, en þeir voru með tvo af þrem stigahæstu víkingaskákmönnum landsins á tveim efstu borðunum,  en náðu sér ekki á strik að þessu sinni.

 Lokastaðan:

1. Forgjafarfarklúbburinn 11½ af 15
2. Rimaskóli 9 v.
3. Víkingaklúbburinn 9 v.
4. Haukar 8. v
5. SFÍ 4 v.
6. Vin 3.5 v.

Íslandsmeistari:  Forgjafarklúbburinn

Íslandsmeistari unglingaliða:  Rimaskóli

Besti árangur á hverju borði:

1. borð:  Gunnar Fr. Rúnarsson 4. v af 5
2. borð:  Stefán Thór Sigurjónsson 4 v.
3. borð:  Óliver Aron Jóhannesson 4.5 v

Sveitirnar skipuðu eftirfarandi skákmenn:

Víkingaklúbburinn: Tómas Björnsson, Sigurður Ingason & Þröstur Þórsson.
Haukar: Ingi Tandri, Sveinn Ingi Sveinsson & Inga Birgisdóttir
Forgjafarklúbburinn: Gunnar Fr. Rúnarsson, Stefán Þ. Sigurjónsson & Halldór Ólafsson.
Vin: Jorge Fonsega, Arnar Valgeirsson, Róbert Lagerman & Magnús Magnússon (varamaður).
Skákfélag Ísland: Guðmundur Lee, Páll Andrason & Birkir Karl Sigurðsson
Rimaskóli:  Dagur Ragnarsson, Jón Trausti & Óliver Aron Jóhannesson

1.umf
Rimaskóli-Víkingaklúbburinn 1½-1½
Vin-Forgjafarklúbburinn  ½-2½
SFÍ-Haukar  ½-2½

2.umf

SFÍ-Rimaskóli 1-2
Haukar-Vin 1-2
Forgjafaklúbburinn-Víkingaklúbburinn  2-1

3.umf

Rimaskóli-Forgjafaklúbburinn 1-2
Víkingaklúbburinn-Haukar 1-2
Vin-SFÍ 1-2

4.umf

Vin-Rimaskóli  0-3
SFÍ-Víkingaklúbburinn  ½-2½
Haukar-Forgjafaklúbburinn 1-2

5.umf
Rimaskóli-Haukar 1-2
Forgjafaklúbburinn-SFÍ 3-0
Víkingaklúbburinn-Vin  3-0

Sjá nánar heimasíðu Víkingaklúbbsins (myndir)