Róbert og Andrés sigurvegarar Bikarsyrpu OB.LA.DI. OB.LA.DA.

Hart var barist á úrslitakvöldinu í Bikarsyrpu OB.LA.DI. OB.LA.DA. síðastliðinn mánudag. Róbert Lagerman sigraði í Elítugrúppunni eftir öruggan sigur á Bjarna Hjartarsyni í úrslita-einvígi 3-0, Halldór Pálsson hlaut bronsið eftir 3-1 sigur á Kjartani Guðmundsyni. Gífurleg spenna var í Heiðursmannagrúppunni eða Rusl-grúppunni eins margir kölluðu hana, en á endanum hafði Andrés Kolbeinsson sigur, Jón Birgir Einarsson hlaut silfrið og Kjartan Ingvarsson hlaut bronsið.

Glæsileg verðlaun voru í boði staðarhaldarans Davíð Steingrímssonar.

Fyrirhuguð er Sumar-Skák-Syrpa síðar í sumar.