Íslandsmót barnaskólasveita hefst á morgun

Íslandsmót barnaskólasveita fer senn í hönd. Nú seinni part föstudags eru 40 sveitir skráðar. Flestar eru úr Reykjavík og Kópavogi. Núverandi Íslandsmeistarar er sveit Rimaskóla sem er einnig Norðurlandameistari. Sveitin er sigurstranglegust á mótinu en sveitir Álfhólsskóla og Salaskóla eru einnig mjög sterkar. Ekki má svo gleyma hinum ungu sveitum Hörðuvallaskóla og Ölduselsskóla.

Taflið hefst á morgun klukkan eitt og tefldar verða fimm umferðir.

Á sunnudaginn verða tefldar fjórar umferðir og mótinu slitið með verðlaunaafhendingu og happdrætti. Í verðlaun í happdrættinu verða meðal annars taflsett frá skakbudin.is.

Meðfylgjandi er mynd frá Íslandsmóti barnaskólasveita 2010.