Gauti Páll gerði það gott í Gallerýinu

Taflkvöldin í Gallerý Skák er ávallt mjög vinsæl. Þar mætast gamlir skákjaxlar í bland við upprennandi snillinga.  Í gærkvöldi bar Stefán Þormar sigur úr bítum með 8.5 vinning úr 11 skákum, en fast á hæla honum komu þeir Guðfinnur R. Kjartansson og Þórarinn Sigþórsson, aflakóngur.  Athygli vakti þátttaka Gauta Páls Jónssonar, 12 ára nemanda úr Grandaskóla, sem stóð sig afar vel gegn erfiðum keppinautum af eldri kynslóðinni, höknum af reynslu. Gauti vann 2 skákir og gerði 5 jafntefli, þar á meðal við Guðfinn og Þórarinn, sem ekki eru nein lömb að leika sér við í stuttum skákum.

Kappteflið um Patagóníusteininn 2012 hefst eftir páska, en þar er um að ræða 6 kvölda mótaröð með GrandPrix sniði. Fjögur bestu mót hvers keppenda telja til stiga.  Nánar þegar þar að kemur.

Sjá meðf. mótstöflu.