Caruana efstur fyrir lokaumferð N1 Reykjavíkurskákmótsins - mætir Hou Yifan í lokaumferðinni

 

 

 

Fabiano Caruana, ítalski ofurstórmeistarinn, er efstur fyrir lokaumferð N1 Reykjavíkurskákmótsins eftir jafntefli við bosníska Íslandsvininn Ivan Sokolov í 8. og næstsíðustu umferð sem fram fór í kvöld.  Caruana er með 7 vinninga.  Sokolov, Hou Yifan, heimsmeistari kvenna, sem og Tékkinn David Navara og Ísraelinn Boris Avrukh eru í 2.-5. sæti hálfum vinningi á eftir Ítalnum unga.   Hou Yifan sem er komin á beina brautina eftir nokkur jafntefli er vann nú Úkraínumanninn Vladimir Baklan.  

 

Héðinn Steingrímsson og Henrik Danielsen eru efstir íslenskra skákmanna en þeir hafa 6 vinninga. 

 

 

 

Einar Hjalti Jensson heldur áfram að eiga frábært mót vann nú þýska alþjóðlega meistarann Martin Zumsande og hefur þegar tryggt sér sinn fyrsta áfanga að alþjóðlegum meistaratitli

Öll úrslit 8. umferðar má finna hér.   

Stöðu mótsins má finna hér.

Níunda og síðasta umferð hefst á morgun kl. 13.  Skákskýringar hefjast kl. 15:30 í umsjón Helga Ólafssonar.  Þá mætast meðal annars:

• Hou Yifan - Fabiano Caruana
• Sokolov - Avrukh
• Cheparinov - Navara
• Héðinn - Kryvoruchko
• Henrik - Ipatov

Pörun lokaumferðarinnar í heild sinni má finna hér.

Vefsíður

• Heimasíða mótsins
• Beinar útsendingar
• Pallborðið og vefútsending
• Myndir (Hrafn Jökulsson)
• Chess-Results