Bikarsyrpa Obladí Oblada í kvöld klukkan 21

 Skák-bikarsyrpa Obladí Oblada, Frakkastíg 25, heldur áfram í kvöld, mánudag, og hefst klukkan 21.

Teflt er eftir sérstöku forgjafarkerfi á skákklukkunni, þar sem 12 mínútur eru í pottinum. Þannig eiga stigalægri keppendur góða möguleika á sigri gegn sterkari mönnum.

Í tilkynningu frá mótshaldara er sérstaklega tekið fram að allir séu velkomnir og aldrei of seint að vera með. Góð verðlaun eru veitt í einstökum mótum og enn glæsilegri verðlaun í úrslitum, sem verða um páskana. Þátttaka er ókeypis.

Mótstjóri er Róbert Lagerman, sími 6965858.