N1 Reykjavíkurskákmótið: Sjötta umferð í fullum gangi

 

 

Nú fer verulega í draga til tíðinda í N1 Reykjavíkurskákmótinu.  Í sjöttu umferð sem hófst kl. 9:30 eru margar verulega spennandi viðureignir.  Má þar nefna að okkar nýjasti stórmeistari Stefán Kristjánsson er að tefla við heimsmeistara kvenna, Hou Yifan, Hjörvar Steinn Grétarsson teflir við bandaríska stórmeistarann Robert Hess og sigursælasti skákmaðurinn í sögu Reykjavíkurskákmótanna Hannes Hlífar Stefánsson teflir við tékkneska ofurstórmeistaranna David Navara.   Forystusauðirnir, Ivan Sokolov og Ivan Cheparinov tefla saman.

 

 

Jóhann Hjartarson, stigahæsti skákmaður Íslands, byrjar með skákskýringar kl. 12.    Skákáhugamenn eru hvattir til að fjölmenna á skákstað.  Á staðnum má meðal annars kaupa Tímaritið Skák, á aðeins 2.000 kr.  Ákaflega veglegt blað þar sem farið er yfir skákárið 2011 í máli og myndum.

 

 

Áhorf á Skák.is á meðan N1 Reykjavíkurskákmótinu hefur slegið öll fyrri met og til samanburðar er áhorfið nú um 50% meira en á mótinu í fyrra.

• Heimasíða mótsins
• Beinar útsendingar
• Pallborðið og vefútsending
• Myndir (Hrafn Jökulsson)
• Chess-Results