Caruana uppfyrir Nakamura á heimslistanum - Nakamura fer í fýlu

Bandaríski ofurstórmeistarinn Hikaru Nakamura tók því mjög illa þegar Fabiano Caruana fór uppfyrir hann á stigalistanum sem gerðist í gær þegar Ítalinn ungi vann hollenska stórmeistarann Erwin L´ami á N1 Reykjavíkurskákmótinu.  Með sigrinum komst Ítalinn í sjötta sæti stigalistans og upp fyrir Nakamura. 

Nakamura tjáði sig á Tweeter:

"After seeing people picking up rating points off of beating weaker players, I am convinced chess ratings should be weighted like in tennis"

"there is no way that playing against a weak field in Iceland should be the same as playing in Wijk aan Zee"

Þetta er sérstaklega athyglisvert í ljósi þess að ofurstórmeistarar þora sjaldnast að taka þátt í opnum skákmótum í ótta við það að tapa dýrmætum skákstigum.   Eins og Daði Örn Jónsson, mesti skákstigasérfræðingur Íslands benti á spjallþræði skákmanna:

Þetta er í meira lagi athyglisverð athugasemd hjá Nakamura. Áratugum saman hafa margir af sterkustu skákmönnum heims forðast opin skákmót eins og heitan eldinn af ótta við að tapa stigum. Svo kemur óttalaus maður eins og Caruana og sýnir að það er einnig hægt að vinna sér inn stig á slíkum mótum -- þetta fer bara eftir frammistöðunni. Þá er það orðin vafasöm leið til að hækka á stigum.

Hvernig væri að bjóða Nakamura í þessa stigaparadís sem næsta Reykjavíkurmót verður örugglega?