Mikael, Birkir og Oliver unnu

Mikael Jóhann Karlsson, Birkir Karl Sigurðsson og Oliver Aron Jóhannesson unnu allir í 4. umferð NM í skólaskák sem fram fór í Espoo í Finnlandi í dag, Nökkvi Sverrisson gerði jafntefli en aðrir töpuðu.  Vignir Vatnar Stefánsson er þrátt fyrir tap efstur íslensku krakkanna með 2,5 vinning og er í 3.-4. sæti í sínum flokki.  Mikael Jóhann, Dagur Ragnarsson, Oliver Aron, Jón Kristinn hafa 2 vinninga. 

Íslenskir skákáhugamenn eru hvattir til að taka daginn snemma og fylgjast með íslensku krökkunum í fyrramálið en umferðin hefst kl. 6 í fyrramálið.  Hallgerður, Nökkvi, Dagur og Vignir verða þá í beinni útsendingu.  Útsendinguna má nálgast hér. 

Staðan eftir 4. umferð

A-flokkur (1992-94):

• 8.-10. Hallgerður Helga Þorsteinsdóttir (1969) 1,5
• 11. Nökkvi Sverrisson (1930) 1 v.

B-flokkur (1995-96):

• 5.-8. Mikael Jóhann Karlsson (1867) 2 v.
• 9. Birkir Karl Sigurðsson (1694) 1,5 v.

C-flokkur (1997-98):

• 6.-8. Dagur Ragnarsson (1826) og Oliver Aron Jóhannesson (1699) 2 v.

D-flokkur (1999-2000):

• 6.-9. Jón Kristinn Þorgeirsson (1712) 2 v.
• 10. Kristófer Jóel Jóhannesson (1496) 1,5 v.

E-flokkur (2001 og síðar):

• 3.-4. Vignir Vatnar Stefánsson (1461) 2,5 v.
• 9.  Nansý Davíðsdóttir (1301) 1,5 v.

Fararstjórar eru Stefán Bergsson og Gunnar Björnsson.

 

• Heimasíða mótsins
• Chess-Results
• Myndaalbúm (GB)