Helgi Ólafs á Hyrnutorgi

Skólastjóri Skákskólans Helgi Ólafsson þekkir vel til í Borgarfirði enda sinnt þar skákkennslu um árabil. Helgi setti í gírinn á  Skákdaginn og brunaði í Borgarfjörð, rakleiðis á Hyrnutorg þar sem ellefu skákmenn biðu hans í fjöltefli. Helgi lagði níu þeirra að velli en tapaði fyrir fyrrum nemendum sínum þeim Tinnu Kristínu Finnbogadóttur og Jóhanni Óla Eiðssyni.

Í Borgarnesi var einnig vígt skáksett, og því eiga þeir fjölmörgu ferðalangar sem eiga leið um Borgarnes kost á því að slaka á í sundlaug staðarins og taka eina bröndótta um leið.