Magnús sigursæll

Bolvíkingurinn Magnús Sigurjónsson fór létt með andstæðinga sína í Gallerý Skák í gærkvöldi og lék suma hverja grátt enda sigraði hann glæsilega með 10.5 vinningum af 11 mögulegum. Fyrr í vikunni heimsótti hann KR- klúbbinn og nældi sér þar í 11 vinninga af 13 mögulegum og varð þó að sætta sig við annað sætið á eftir Birgi Brendsen. Uppskeran í skákleiðangri Magnúsar hingað suður verður því að teljast frábærlega góð að þessu sinni enda traustur og útsjónarsamur skákmaður þar á ferð. 

Annar í mótinu varð Gunnar Skarphéðinsson með 8 v. og þriðji Þórarinn Sigþórsson ásamt Guðfinni R. Kjartanssyni, staðarhaldara með 7.5 v. Góðir gestir frá Akranesi tóku þátt og settu svip sinn á mótið. Að öðru leyti skiptust vinningar nokkuð jafnt eins og sjá má á meðf. töflu. 

Sérstakt þorramót verður haldið í Gallerý Skák á Skákdeginum 26. janúar nk. og hefst kl. 18  sem verður nánar kynnt þegar nær dregur.

Lokastaðan: