Enn fjörlega teflt í London - McShane efstur ásamt Carlsen - Nakamura vann Anand

Það er ákaflega mikið fjör á London Chess Classic og hart barist í hverri skák.  Í dag lauk þremur skákum af 4 með hreinum úrslitum.  McShane og Short unnu landa sína Howell og Adams.  Nakamura vann Anand í ótrúlegri skák þar sem þeir léku af sér skákinni sitt á hvað.  Carlsen og Kramnik gerðu jafntefli.  Carlsen og McShane eru efstir með 8 stig.   

Staðan:

• 1.-2. Carlsen (2826) og McShane (2671) 8 stig
• 3. Nakamura (2758) 7 stig
• 4. Kramnik (2800) 5 stig
• 5. Aronian (2802) 4 stig
• 6. Short (2698) 3 stig
• 7.-9. Howell (2633), Adams (2734) og Anand (2811) 2 stig

Short, Anand, Kramnik og Aronian hafa teflt 3 skákir en aðrir 4 skákir. Veitt eru 3 stig fyrir sigur og 1 fyrir jafntefli

Frídagur er á morgun. Í 5. umferð sem fram fer á fimmtudag mætast m.a: Aronian - Carlsen og Nakamura - Howell.  McShane situr yfir. 

• Heimasíða mótsins (margskonar útsendingar)
• Beinar útsendingar (hefjast kl. 14 nema 4. umferð kl. 16 og  lokaumferðin kl. 12)
• Chessbomb (skák- og tölvuskýringar)