Dyggur skákunnandi fallinn frá - Fjölnir Stefánsson látinn

Fjölnir Stefánsson, tónskáld og fyrrv. skólastjóri er látinn 81 árs að aldri. Hann iðkaði skák frá unga aldri hafði hafði mikla unun af að tefla jafnframt því að semja tónsmíðar og efla söngmennt í Kópavogi, enda er það svo að þessar listgreinar fara mjög vel saman eins og dæmin sanna.  Eftir hann liggur mikil fjöldi sönglaga og þjóðlagaútsetninga.

Fjölnir hafði forgöngu um stofnun Taflfélags Kópavogs og var formaður þess 1967-1971 og var gerður að heiðursfélaga þess 1994. Síðustu árin tefldi hann í hópi Riddaranna í Hafnarfirði meðan þrek entist, sem tileinkuðu honum fagran verðlaunagrip í heiðurs- og þakklætisskyni,  "Skákhörpuna" sem teflt er um árlega, nú síðast í október í fjórða sinn.

Fjölnis var minnst við í upphafi taflfundar klúbbsins í vikunni sem leið, með 1 mínútu þögn og klukka hans látin ganga út.