Hjörleifur sigraði á 15 mínútna móti Goðans - Smári 15 mínútna meistari

Smári Sigurðsson er 15 mín meistari Goðans 2011 en mótið var haldið í gærkvöld. Smári varði því titilinn frá því í fyrra. Smári fékk 4 vinninga af 6 mögulegum og fór taplaus í gegnum mótið. Hjörleifur Halldórsson (SA) varð efstur á mótinu með 5 vinninga, en hann og Sigurður Arnarson (SA) kepptu sem gestir á mótinu.

Hart var barist á mótinu og enduðu 10 skákir með jafntefli. Orri Freyr Oddsson varð í öðru sæti á stigum, með 3,5 vinninga og Rúnar Ísleifsson varð í þriðja sæti einnig með 3,5 vinninga en lægri en Orri á stigum. Ævar Ákason fékk sömuleiðis 3,5 vinninga en var lægstur á stigum af þeim þremur.  Hlynur Snær Viðarsson vann yngri flokkinn og Snorri Hallgrímsson varð í öðru sæti. Alls tóku 12 skámenn þátt í mótinu.

Lokastaðan í mótinu:

1.        Hjörleifur Halldórsson  (SA)     5 af 6
2.        Smári Sigurðsson                    4
3.        Sigurður Arnarson      (SA)      4
4-6.     Orri Freyr Oddsson                 3,5       19,5 stig
4-6.     Rúnar Ísleifsson                     3,5       18,5  stig
4-6.     Ævar Ákason                          3,5       17     stig   
7-8.     Heimir Bessason                     3
7-8.     Hermann Aðalsteinsson          3
9.        Ármann Olgeirsson                 2,5
10.      Sigurbjörn Ásmundsson          2
11-12. Hlynur Snær viðarsson            1            16 stig
11-12. Snorri Hallgrímsson                 1            14,5 stig

Næsta skákmót hjá Goðanum er árlega hraðskákmótið sem fram fer 27 desember nk. á Húsavík.