Sigur gegn Lúxemborg - Hjörvar yngsti fyrstaborðsmaðurinn

Góður 3-1 sigur vannst á Lúxemborg í 3. umferð EM landsliða sem fram fór í Porto Carras í dag. Hjörvar Steinn Grétarsson, Bragi Þorfinnsson og Helgi Ólafsson unnu en Björn Þorfinnsson tapaði. Henrik Danielsen hvíldi. 

Hjörvar, sem er aðeins 18 ára, tefldi á fyrsta borði og er sá yngsti í sögunni sem leitt hefur íslenskt skáklandslið.  Þetta er svo í fyrsta skipti síðan í Tórínó 2006 að Helgi teflir með íslenska landsliðinu í skák en Helgi er jafnframt liðsstjóri liðsins.

Íslenska sveitin hefur 2 stig og 5,5 vinning og er í 28. sæti.  Á morgun teflum mætum við Svartfellingum sem eru áþekkir íslensku sveitinni að styrkleika. 

Aserar eru efstir, Spánverjar, sem rétt mörðu Íslendinga í fyrstu umferð eru aðrir og Úkraínumenn eru þriðju.  Danir eru efstir Norðurlanda eftir stórsigur, 3,5-0,5, á  Norðmönnum.   Rússar eru efstir í kvennaflokki. 

• Heimasíða mótsins
• Chess-Results
• Beinar útsendinga (ETCC 2011 - átta efstu viðureignirnar)
• Myndaalbúm
• Umræður á SkákHorninu

 

Úrslit dagsins:

19.1	IM	Berend Fred	2381	-	FM	Gretarsson Hjorvar Steinn	2452	0 - 1
19.2		Jeitz Christian	2171	-	IM	Thorfinnsson Bragi	2421	0 - 1
19.3	FM	Mossong Hubert	2119	-	IM	Thorfinnsson Bjorn	2402	1 - 0
19.4	WIM	Steil-Antoni Fiona	2104	-	GM	Olafsson Helgi	2531	0 - 1

Lið Svartfellinga:

Bo.		Name	Rtg	FED	Pts.	Games
1	GM	Djukic Nikola	2493	MNE	0.5	3.0
2	GM	Blagojevic Dragisa	2514	MNE	1.5	3.0
3	GM	Drasko Milan	2478	MNE	0.0	1.0
4	GM	Kosic Dragan	2502	MNE	2.0	3.0
5	IM	Kalezic Blazo	2461	MNE	0.5	2.0

Athugasemdir

[Ríkharður (IP-tala skráð) 6.11.2011 kl. 16:37]

Friðrik Ólafsson tefldi á 1. borði á Ólympíumótinu í Helsinki 1952 þá aðeins 17 ára. Eggert Gilfer leiddi íslensku sveitina og tefldi Friðrik á 1. borði þegar Eggert hvíldi. Engu síður glæsilegur árangur hjá Hjörvari.