Jón Kristinn með vinningsforskot

Fimmta umferð Haustmóts SA var tefld í gær:

• Jakob Sævar-Jón Kristinn       0-1
• Smári-Sveinn                         0-1
• Sigurður-Andri Freyr            1/2-1/2
• Hersteinn-Haukur                 1-0

Þegar tveimur umferðum er ólokið á haustmótinu hefur yngsti keppandinn náð vinningsforskoti og má segja að hann sé kominn með aðra hönd á bikarinn. Í skák hans við Jakob Sævar var hart barist, enda hefði Siglfirðingurinn getað komist upp fyrir JK með sigri. Skákin fór út í endatafl þar sem jafnteflismöguleikar voru góðir, en Jóni fataðist ekki úrvinnslan og hafði sigur. Smári tapaði dýrmætum vinningi í toppbaráttunni, lenti snemma í vandræðum gegn Sveini og tókst ekki að vinna sig út úr þeim. Sigurður mátti sætta sig við sitt fjórða jafntefli eftir að hafa átt góða stöðu og sigurvænlega en komst ekki í gegnum traustar varnir andstæðings síns. Loks tapaði aldursforsetinn sinni fimmtu skák; í þetta sinn án baráttu, en hann mætti ekki til leiks af ókunnum ástæðum.

Staðan:

 

Rk.	Name	Rtg	Club/City	Pts.
1	Þorgeirsson Jón Kristinn	1609	SA	4,5
2	Ólafsson Smári	1875	SA	3,5
3	Arnarson Sigurður	1931	SA	3
4	Sigurðsson Jakob Sævar	1713	Goðinn	3
5	Björgvinsson Andri Freyr	1301	SA	2,5
6	Arnarsson Sveinn	1781	Goðinn	2
7	Heiðarsson Hersteinn	1230	SA	1,5
8	Jónsson Haukur	1429	SA	0

 

• Heimasíða SA
• Chess-Results