Berserkjaskák í Gallerýinu

Gallerý Skák hefur opnað dyr sínar á ný fyrir ástríðuskákmönnum, sem njóta þess að bjóða hættunni heim og tefla í tvísýnu.  Teflt verður öll fimmtudagskvöld í vetur kl. 18-22, nema um annað sé tilkynnt á heimasíðunni eða með tölvupósti til fastra þátttakenda.  Í gærkvöldi börðumst menn þar eins og berserkir enda engar liðleskjur á ferðinni og uppskáru á annað hundrað vinninga og álíka mörg töp. 

Eins og stundum áður bar Gunnar Skarphéðinsson hin skeinuhætti, verslunarskólakennari, sigur úr bítum með 8.5 v. af 11 mögulegum, en Guðfinnur R. Kjartansson, fv. forstjóri, fylgdi fast á hæla honum með 8 v., Kristján Stefánsson, formaður Sd. KR og hæstaréttarlögmaður varð hins vegar
að sætta sig við 3ja sætið með 7.5 v., sem hann var afar óhress með, ásamt Össuri Kristinssyni, efnaverkfræðingi, aðrir með minna. 

Meira á www.galleryskak.net.     

Myndaalbúm (ESE)