Rimaskóli Norðurlandameistari barnaskólasveita

Rimaskóli varð í Norðurlandameistari barnaskólasveita en keppnin fór fram í Jótlandi í Danmörku um helgina.  Rimaskóli gerði 2-2 jafntefli við norsku sveitina í lokaumferðinni.  Á sama tíma unnu Svíar Danmörku II 3-1.  Sveitirnar komu því jafnar í hús með 14 vinninga en Rimaskóli fékk fleiri stig (Match point), unnu Svíana í innbyrðisviðureign og eru því Norðurlandameistarar!  Nansý Davíðsdóttir vann í lokaumferðinni, bræðurnir Oliver Aron Jóhannesson og Kristófer Jóel Jóhannessynir gerðu jafntefli en Svandís Ósk Ríkharðsdóttir tapaði.  Nansý fékk 4,5 vinning í 5 skákum á 3. borði og fær borðaverðlaun.  Það fær einnig Kristófer Jóel fyrir 4 vinninga á 2. borði.

Myndir frá verðlaunaafhendingunni eru væntanlegar í hús upp úr kl. 17.   Myndin hér að ofan er frá því sveitin varð Íslandsmeistari barnaskólasveita í vor. 

Lokastaðan:

1. Rimaskóli 14 v. (8 stig)
2. Svíþjóð 14 v. (7 stig)
3. Noregur 12 v.
4. Danmörk II 8 v.
5. Finnland 7 v.
6. Danmörk I 5 v.

Skáksveit Rimaskóla skipa:

1. Oliver Aron Jóhannesson (1653) 2,5 v. af 5
2. Kristófer Jóel Jóhannesson (1464) 4 v. af 5
3. Nansý Davíðsdóttir (1293) 4,5 v. af 5
4. Jóhann Arnar Finnsson (1199) 2 v. af 3
5. Svandís Ósk Ríkharðsdóttir (1184) 1 v. af 2

Hjörvar Steinn Grétarsson, landsliðsmaður í skák, og fyrrum nemandi í Rimaskóla var liðsstjóri Rimskólakrakkanna. 

• Heimasíða mótsins
• Myndaalbúm (HÁ)

Athugasemdir

[Jón Þorvaldsson (IP-tala skráð) 11.9.2011 kl. 19:36]

Óska keppendum, Helga Árnasyni, skólastjóra, og Hjörvari Steini, þjálfara, til hamingju með frækinn sigur.

Greinilegt að vel er að málum staðið hjá Rimaskóla.