Navara, Radjabov og Svidler komnir áfram – Polgar, Heine og Grischuk jöfnuðu metin

Síðari skák fjórðu umferðar (16 manna úrslita) Heimsbikarmótsins (World Cup) bauð upp á magnaða spennu.  Þeir var Judit Polgar og Dominguez í aðalhlutverkum en Polgar vann ótrúlegan sigur með svörtu.  Peter Heine Nielsen vann Gashimov og jafnaði einnig metin.  Það gerði einnig Grischuk gegn Potkin.  Þessi einvígi verða því öll útkljáð með styttri tímamörkum á morgun.  Navara, Radjabov og Svidler náðu hins vegar að tryggja sér sigur í sínum einvígum í dag.  Taflmennskan hefst kl. 9 í fyrramálið.

Staðan:

• Polgar - Dominguez 1-1
• Bu - Ivanchuk 1-1
• Zherebukh - Navara 0-2
• Bruzon - Ponomariov 1-1
• Gashimov - Heine 1-1
• Potkin - Grischuk 1-1
• Radjabov - Jakovenko 1½-½
• Svidler - Kamsky 2-0

Rétt er að benda á Rússarnir standa einkar vel að allri vefþjónustu og sá sem þetta ritar minnist þess ekki að hafa séð jafnvel haldið utan um útsendingar áður.

• Heimasíða mótsins
• Beinar útsendingar með tölvuskýringum (hefjast kl. 9)