Mikil skákhátíð um helgina

Það er óhætt að segja að mikil skákhátíð fari fram í höfuðborginni um helgina í höfuðborginni.   Hún hefst með látum í dag, kl. 17, þegar Norðurlandamót grunnskóla hefst í skákmiðstöðinni, Faxafeni 12.   þar tefla fyrir Íslands hönd Íslandsmeistarar Rimaskóla og silfurlið Salaskóla.  Báðir skólar hafa náð eftirtektarverðum árangri í skákstarfi síðustu ár.

Sveit Rimaskóla skipa: 

 

• 1.       Dagur Ragnarsson (1966)
• 2.       Oliver Aron Jóhannesson (1801)
• 3.       Jón Trausti Harðarson (1663)
• 4.       Hrund Hauksdóttir (1568)
• 5.       Kristinn Andri Kristinsson (1415) 

SveSveit Salaskóla skipa: 

 

• 1.       Guðmundur Kristinn Lee (1674)
• 2.       Birkir Karl Sigurðsson (1741)
• 3.       Hilmir Freyr Heimisson (1333)
• 4.       Jón Smári Ólafsson (1182)
• 5.       Hildur Berglind Jóhannsdóttir (1168)
• 6.       Eyþór Trausti Jóhannsson

Norðmenn hafa sterkasta liðið á pappírnum (meðalstig 1785) en Rimskælingar eru næststigahæstir (1750).  Salaskólakrakkarnir eru stigalægstir en eru skammt undan Svíum, Dönum og Finnum.  Án efa verður hart barist og líklegt að íslensku sveitirnar berjist um verðlaunasæti.   

Skákmótið hefst í Faxafeninu kl. 17 í dag og verður framhaldið á morgun með 2 umferðum og lýkur á sunnudag, einnig með tveimur umferðum.  Hægt verður að fylgjast með gangi mála á www.skak.is um alla helgina og meðal annars verða skákir frá mótinu í beinni útsendingu.

------------------ 

Á morgun laugardag fer svo fram Iceland Express íþróttafélaga í skak.  Þar eru Framarar sigurstranglegastir með stigahæsta skákmann landsins, Valspabbann, Jóhann Hjartarson, á fyrsta borði en auk hann skipa liðið, einn snjallasti hraðskákmaður landsins, Helgi Áss Grétarsson og landsliðsmennirnir Bragi og Björn Þorfinnssynir.  Liðsstjóri er Hrafn Jökulsson sem hefur aldrei verið mikið fyrir silfur.   Allt annað en sigur fyrir þetta lið ætti að teljast stórslys.  Það eru helst að Valsmenn, sem spila á heimavelli, sem geti ógnað Frömurum. 

Auk þessara liða KR-ingar, Víkingar, Þróttarar, Fylkismenn, Leiknismenn og kvennalandsliðið þátt.

Skákáhugamenn eru hvattir til að mæta í Hlíðarendann á milli 13 og 17 og fylgjast með.  Lofað er spennandi skákum og mikilli baráttu.  Hægt verður að fylgjast með gangi mála á www.skak.is.