Héðinn með jafntefli í 5. umferð í Boxtel

Stórmeistarinn Héðinn Steingrímsson (2569) gerði jafntefli við sænska alþjóðlega meistarann David Miedema (2409) í 5. umferð opins móts sem fram fer í Boxtel í Hollandi, samhliða hollenska meistaramótinu.  Héðinn er í 2.-3. sæti með 4 vinninga ásamt alþjóðlega meistaranum Manuel Bosboom (2401).  Alþjóðlegi meistarinn David Miedema (2409) er efstur með 4½ vinning.  Í sjöttu umferð, sem fram fer á morgun, teflir Héðinn einmitt við Bosboom sem hefur oftsinnis teflt á Íslandi.

Frídagur var í dag á hollenska meistaramótinu. Stórmeistarinn Wouter Spoelman (2564) er efstur á  með 4 vinninga í 5 skákum.

31 skákmaður tekur þátt í móti Héðins og þar á meðal 2 stórmeistarar og 2 alþjóðlegir meistarar.  Héðinn er stigahæstur keppenda.   Á hollenska meistaramótinu eru Anish Giri (2687) og Ivan Sokolov (2645) meðal keppenda.

• Heimasíða mótsins 
• Swiss Masters 
• Heimasíða hollenska meistaramótsins
• Beinar útsendingar frá hollenska meistaramótinu (hefjast kl. 12)